RİYAZİYYAT VƏ POEZİYA

    Riyaziyyatla poeziyanın sintezi

Riyaziyyat insanlıq tarixinin ən qədim elmlərindəndir. Riyaziyyat bütün elmlərin açarı hesab edilir, onun köməyilə kainatı anlamaq olar.
Öz fəaliyyəti boyunca qazandığı elmi nailiyyətləri, maarifçiliyi və bədii yaradıcılığı, humanist insani keyfiyyətləri, tükənməz   qurub-yaratmaq eşqi, sözü, əməli və ziyalılığı ilə geniş ictimaiyyətin dərin hörmət və məhəbbətini qazanmış Vahid Aslan “Riyaziyyat və poeziya” adlı metodik vəsaitini poetik dildə yazmaqla bir daha riyazi təfəkkürün qadirlik gücünü göstərdi.

Sözləri Vahid Aslana məxsus olan "RİYAZİYYAT"  mahnısın dinləmək üçün aşagıdakı linki kliklə.

https://www.dropbox.com/home?preview=Презентация11.mp4

Danışdıqca rəqəmlərin,

Dərin olur mənan dərin,

Şahı oldun elmlərin,

Riyaziyyat, riyaziyyat.

Möcüzəsən, sehrlisən,

Qocamansan, fikirlisən,

Səndə tapdım xoşbəxt həyat,

Riyaziyyat, riyaziyyat.

Təbiətin simvolusan,

İşıq yolu, nur yolusan,

Öyrənənə dost olursan,

Riyaziyyat, riyaziyyat.

     Bu sətirləri yazmaqla Vahid Aslan riyaziyyat elminə olan bənzərsiz sevgisini ifadə edir.
Vahid Aslanın “Riyaziyyat və poeziya” adlı metodik vəsaitinin əlyazmasını oxuyarkən riyazi anlayışların poetik dildə verilməsindən dolayı, müəllifin fitri istedada, Tanrı vergisinə sahib olduğu göz önünə gəlir. Yazıçının yaratdıqları özündən sonra gələn nəsillər üçün örnəyə çevrilir.
     Metodik vəsaitdəki şeirləri oxuduqca, rəqəmlərin dili ilə danişmaq, riyazi anlayışların dəqiqliklə ifadə olunması şagirdlərdə riyaziyyata olan sevgini bir daha alovlandırır. Onların elmə və təhsilə olan maraqlarını artırır. Eləcə də ən çətin riyazi anlayışların belə tərif və əlamətlərinin poeziyanın oynaq dilində verilməsi riyaziyyat elminin sirlərinin və əsl mənasının qavranılmasında şagirdlərin bələdçisinə çevrilir. Məsələn:

Kökaltıyam, kökaltı.

Məndən sənə nə qaldı;

Ədədləri sevmərəm

Tutsam aman vermərəm,

Əlimdən çıxsa belə;

Geri düşər, kiçilər,

Elə buna görə də

Məni sevmir ədədlər;

     Riyaziyyatın ən maraqlı anlayışlarından biri olan “kökaltı” anlayışı haqqında deyilmiş bu fikirlər, söhbət açılan anlayışın əsl “simasını” açıb göstərir. Və yaxud da “limit” anlayışı haqqında olan aşağıdakı parçaya diqqət edək

Ardıcıllıq kökümdür,

Nizamlıyam, dəqiqəm!

Qızıldan qiymətlidir,

Mənim hər bir dəqiqəm;

Sabit ədədəm, demək,

Öz-özümə yığılsam,

Dağılan yurd kimiyəm,

Sıfırdan kiçik olsam,

Qeyri-müəyyən deyiləm,

Hər bir zaman həllim var,

Sonsuzluqdur hədəfim,

Tükənməyən yolum var...

    Burada da “limitin” dəqiq tərifi poeziya dilində ustalıqla ifadə olunub.Vahid Aslan “Riyaziyyat və poeziya” adlı metodik vəsaitində riyaziyyata daha fərqli bir yöndən yanaşaraq, riyaziyyatın təkcə dərsliklərin məzmununda deyil, hər an poeziyanın fəlsəfi nöqtəsində yaşadığını təqdim edir.
.